"Qazaxıstan Rusiyanın etibarlı müttəfiqi və tərəfdaşı olub və qalır". Manset.az xəbər verir ki, bu sözləri Rusiya liderinin dövlət səfərinə gəldiyi Astanada Vladimir Putini iqamətgahında qəbul edən respublika prezidenti Kasım-Jomart Tokayev deyib. Tokayev qeyd edib ki, iki ölkə başçıları bundan əvvəl də milli mətbuatda məqalələr dərc ediblər. “Mən məqaləmdə vurğuladım ki, Qazaxıstan bu çox çətin zamanda Rusiyanın etibarlı strateji tərəfdaşı, Rusiyanın müttəfiqi olub və belə də qalır". Tokayev Putinə Astanaya səfərinə görə təşəkkür edib və bunu mühüm hadisə adlandırıb.
