2023-cü ilin oktyabr ayından Qəzza zolağında ölən yardım işçilərinin sayı 337 nəfərə çatıb. Bu barədə BMT-nin İşğal olunmuş Fələstin Əraziləri üzrə Humanitar Məsələlərin Əlaqələndirilməsi İdarəsinin (OCHA) hesabatında deyilir.
Təşkilatın məlumatına görə, döyüşlərin qurbanları arasında 330 fələstinli və 7 xarici vətəndaş var. Ölümlərin çoxu - 251 nəfər BMT strukturlarında baş verib. Onların böyük əksəriyyəti BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyindəndir.
Qurbanlar arasında Fələstin Qızıl Aypara Cəmiyyətinin 33 işçisi və könüllüsü və digər humanitar təşkilatlardan 53 nəfər də var.
Oxuməni.az
