Noyabrın 23-dən 24-nə keçən gecə İtaliyanın Milan şəhərində baş verən hadisədə polis məntəqəsində dayanmayaraq motosikletləri ilə davam edən və təhlükəsizlik qüvvələrinin ardına düşməsi ilə iki gənc Ripamonti küçəsində yol qəzası keçirib.
Qəzada 20 yaşlı misirli Rami Elqaml həyatını itirərkən, motosiklet sürən 22 yaşlı tunisli yaralanıb.
Tunisli yaralı olaraq xəstəxanaya yerləşdirilərkən, Milanın immiqrantların daha çox yaşadığı bölgələrdən biri olan Korvettoda polis təqibi zamanı baş verən qəzada misirli Elqamlın ölümü reaksiya ilə qarşılanıb.
Bildirilib ki, sözügedən məhəllədə təxminən 70 nəfərlik bir qrup bazar və bazar ertəsi gecələri baryerlər quraraq bəzi küçələri bağlamağa və bu maneələri yandırmağa çalışıb.
Qeyd olunub ki, qruplaşma ilə təhlükəsizlik qüvvələri arasında şiddətli nümayişlər olub, vaxtaşırı toqquşmalar və davalar baş verib.
Nümayişçilərin butulka və fişəng atdığı, təhlükəsizlik qüvvələrinin isə gözyaşardıcı qazla cavab verdiyi bildirilib.
