Moskva Afinaya tədarük edilən Rusiya silahlarının Rusiya Federasiyasının razılığı olmadan təkrar ixracını qadağan edən ikitərəfli sazişləri xatırladır.
APA-nın Moskva müxbiri xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə Yunanıstanın Ermənistana S-300 hava hücumundan müdafiə sistemi və Rusiya istehsalı olan TOR-M1 və Osa-AKM zenit sistemlərini təhvil vermək niyyəti ilə bağlı mətbuatda yayılan xəbərləri belə şərh edərkən bildirib.
Onun sözlərinə görə, Yunanıstan tərəfdən bu barədə heç bir müraciət olmayıb.
