Salyanda 10 yaşlı uşağı avtomobil vurub.
“Far.Az”un Aran bürosunun məlumatına görə, hadisə rayonun Noxudlu kəndində qeydə alınıb.
Belə ki, kənd sakini, 2014-cü il təvəllüdlü H.N. velosipedlə hərəkətdə olarkən onu minik avtomobili vurub.
Müxtəlif dərəcəli bədən xəsarətləri alan azyaşlı Salyan Mərkəzi Rayon Xəstəxanasına çatdırılıb.
Xəstəxanada ilk tibbi yardım göstərilib. Vəziyyəti ağır olduğundan paytaxt Bakıya göndərilib.
Faktla bağlı araşdırma aparılır.
