Türkiyəli iş adamı Acun Ilıcalının sahibi olduğu İngiltərə Çempionşip klubu "Hull City" baş məşqçi Tim Valterlə yollarını ayırıb.
Musavat.com xəbər verirki, klubun rəsmi açıqlamasına görə, komandanı müvəqqəti olaraq Endi Douson idarə edəcək.
Xatırladaq ki, 48 yaşlı Tim Valter bu vəzifəyə 2024-cü ilin may ayında təyin edilmişdi. Hazırda "Hull City" 15 xalla Çempionşip turnir cədvəlində 22-ci yerdə qərarlaşıb. Komandanın aşağı pillələrdən çıxmaq üçün təcili nəticələrə ehtiyacı olduğu vurğulanır.
İdarəetmədə baş verən dəyişikliklərin "Hull City"nin mövqeyini yaxşılaşdıracağı gözlənilir.
