Quş ətinin qiyməti artıb.
Milli.Az Xəzər TV-yə istinadən bildirir ki, paytaxt sakinlərinin sözlərinə görə, əvvəllər 17, 18 manata aldıqları hinduşka əti indi 19- 20 manata təklif olunur.
Satıcılar da qiymətlərin qalxdığını deyirlər.
Bölgə bazarlarında da vəziyyət demək olar ki, eynidir. İsmayıllı sakinləri deyirlər ki, ötən illə müqayisədə kəskin qiymət artımı var.
Satıcılar bahalaşmanın alıcı sayına təsir etdiyini deyirlər.
Azərbaycan Quş Əti, Yumurta İstehsalçıları və İxracatçıları Assosiasiyasının İdarə Heyətinin sədri Mürvət Həsənli bildirir ki, qiymətlərin artmasının müxtəlif səbəbləri var. Xüsusən, hinduşka, qaz, ördək kimi quş növlərinin kütləvi şəkildə istehsal olunmaması bahalaşmaya təsir edən əsas amillərdəndir.
İqtisadçı Xalid Kərimli deyir ki, son 1 ildə ümumilikdə ət və ət məhsulları 4.4 faiz bahalaşıb.
Milli.Az
