Yer 29 noyabr gecəsi güclü maqnit qasırğası ilə üzləşəcək.
Trend xəbər verir ki, Rusiya Elmlər Akademiyası Kosmik Tədqiqatlar İnstitutunun (İKİ RAN) günəş astronomiyası laboratoriyası və Rusiya Elmlər Akademiyası Sibir Bölməsinin Günəş-Yer Fizikası İnstitutunun (İSZF SO RAN) mütəxəssisləri bu nəticəyə gəliblər.
Məlumata görə, geomaqnit zərbəsi altı bala çatacaq, pik təzahürü gecədən günortaya qədər baş verəcək. Daha sonra qasırğa zəifləyəcək, lakin axşam saatlarında daha bir partlayış gözlənilir.
Mütəxəssislər bu maqnit qasırğasının aktivliyini orta G2 səviyyəsində qiymətləndirirlər.
