Dünya şöhrətli İtalyan kinematoqrafiyasının ulduzu Vinsent Kasselin hamilə model sevgilisi Nara Baptista paylaşımı ilə gündəmə gəlib.
OLAY yazır ki, sənətçinin sevgilisi instaqram səhifəsində yarıçılpaq görünrülərini və fotolarını izləyiciləri ilə bölüşüb.
Birinci şəkildə vanna otağında güzgü önündə üzərinə dəsmal atan Nara boş əli ilə sinəsini örtüb. İkinci fotoda isə Baptista, ümumiyyətlə, paltarsız qalıb. Şəkli yəqin ki, Vinsent özü çəkib.
Aktyorun, görünür, sevgilisinin çılpaq fotolarının paylaşmasına qarşı heç bir pis fikri yoxdur.
Belə ki, aktyor, sözügedən fotolara müsbət şərh yazıb.
Vinsent portuqal dilində “Sabahın xeyir, Nara” mətni yazaraq qırmızı ürək emojisini əlavə edib.
Xatırladaq ki, sentyabrın ortalarında 28 yaşlı model Nara Baptista hamilə olduğunu açıqlayıb. Uşaq onun birinci və seçdiyi 57 yaşlı Vinsent Kasselin isə dördüncü övladı olacaq.
Qeyd edək ki, Vinsent və Nara arasındakı münasibət yalnız 2023-cü ildə məlum olub və 2024-cü ilin yanvarında cütlük ilk dəfə Paris Moda Həftəsində birlikdə görünüb. Bundan təxminən bir il əvvəl sənətçi boşanıb. Kasselin əvvəlki münasibətlərindən üç qızı var: Monika Belluççidən Deva və Leoni, Tina Kunakidən Amazoni.
