Bu gün UEFA Avropa Liqası Liqa mərhələsində 5-ci turun oyunları start götürəcək.
Fanat.Az xəbər verir ki, təmsilçimiz "Qarabağ" da növbəti oyununa çıxacaq.
Qurban Qurbanovun baş məşqçisi olduğu komanda Bakıda Fransanın "Olimpik Lion" klubunu qəbul edəcək. Görüşə saat 21:45-də start veriləcək.
Tofiq Bəhramov adına Respublika Stadionunda baş tutacaq qarşılaşmanı Serbiyadan olan hakimlər briqadası idarə edəcək.
“Qarabağ” 4 turdan sonra hazırda 3 xalla 36 komanda arasında 29-cudur. “Olimpik Lion” isə 7 xalla 9-cu pillədədir.
"Qarabağ" növbəti turda İsveçdə "Elfsborq"un qonağı olacaq.
UEFA Avropa Liqası
Liqa mərhələsi, 5-ci tur tur
28 noyabr
21:45. "Qarabağ" – "Olimpik Lion"
Hakimlər: Nenad Minakoviç, Nikola Boroviç, Boşko Bojoviç, Milan Mitiç (hamısı Serbiya)
Bakı. Tofiq Bəhramov adına Respublika Stadionu
