Yasamal Rayon Məhkəməsində “Epidbiomed” MMC-yə yazılan inzibati protokola baxılıb.
Apress.az-ın xəbərinə görə, hakim Mirsadiq Seyidovun sədrliyi ilə keçirilən iclasda qərar elan olunub, şirkətə inzibati tənbeh tətbiq edilib. Yəni cərimələnib.
Xatırlatma: Protokol İnzibati Xətalar Məcəlləsinin 464-cü (“Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir) maddəsinə əsasən tərtib olunub.
