Çempionlar Liqasının Liqa mərhələsinin “Liverpul”la 5-ci tur səfər oyununda məğlubiyyət “Real” üçün antirekordla əlamətdar olub.
Arena.az “OptaJose” statistik dərgisinə istinadən məlumat verir ki, İspaniya nəhəngi qitənin ən mötəbər klub yarışında çempionluğu qazandıqdan sonra, qrup mərhələsində 3 oyunda məğlub olmuş ilk Çempionlar Liqasının qalibidir.
Daha əvvəl Madrid təmsilçisi evdə “Milan”a (1:3) və səfərdə “Lill”ə (0:1) məğlub olub.
5 turdan sonra “Real” Çempionlar Liqasının Liqa mərhələsinin yarış cədvəlində 6 xalla 24-cü pillədə qərarlaşıb.
Vurğulayaq ki, bu pillə yarışın ələmə mərhələsinin baş-başa oyunlarına vəsiqə verən sonuncu pillədir. Bərbad çıxışına davam edəcəyi halda, “Real” Çempionlar Liqasında iştirakına xitam vermiş olacaq.
