Bu qrupun son turu sürprizsiz ötüşdü. Favoritlər növbəti qələbələri bayram etdilər.
Rumıniya evdə Cənubi Kipri darmadağın etdisə, Kosovo Litva ilə ev matçında ciddi müqavimətlə üzləşdi. Litva qrupu xalsız tamamlamaq istəmirdi. Bu üzdən oyun yetərincə maraqlı alındı. Kosovonun heyətində erkən qolun müəllifi olan Yaşari fasilə ərəfəsində kobudluğa görə birbaşa qırmızı vərəqə aldı. Amma litvalıların bütün cəhdlərinə baxmayaraq, bir hissəni azlıqda keçirən rəqibin qapısına yol tapmaq mümkün olmadı.
Bu nəticələrdən sonra Kosovo UEFA-nın qərarını gözləməyə başladı. Çünki noyabrın 15-də kosovolular Rumıniya ilə səfər matçının son anlarında tribunada Serbiya lehinə səsləndirilən təzahüratları bəhanə gətirərək meydandan çəkilmişdilər. Rumınların fikrincə, kosovolular bu addımı bilərəkdən atmışdılar. Çünki ilk görüşdə Rumıniya Kosovonu səfərdə 3:0 məğlub etmişdi. Bu dəfə Kosovoya mütləq ən azı 3 top fərqli qələbə lazım idi və onlar bu hərəkətlə Rumıniyaya texniki məğlubiyyət veriləcəyinə ümid bəsləyirdilər. Düzdü, texniki məğlubiyyət verildi. Amma Kosovonun özünə! Rumınlara isə ümumilikdə 100 min avrodan çox pul cəzası verildi. Bundan başqa, bu komanda növbəti ev oyununu boş tribunalar önündə keçirməli olacaq. Amma istənilən halda Rumıniya hədəfinə çataraq qrupu maksimum xalla zirvədə tamamladı.
C liqası, 2-ci qrup
Rumıniya – Cənubi Kipr 4:1 (2:0)
Rumıniya: Nitse (Tarnovanu, 67), Ratsiu, Draquşin (Burka, 67), Paskanu, Banku, Olaru (Şut, 67), R.Marin, M.Marin (Koman, 67), Haci, Miheyla (Mitrita, 84), Birlica.
Cənubi Kipr: Dimitriu, Karo (Antoniu, 46), Andreu, Laifis, Korrea, Loizu, Artimatas, Spolyariç (Xaralampus, 46), Kakullis (Pittas, 46), Sotiriu (Panayotu, 79), Tsionis (Makris, 74).
Qollar: Birlica, 2 (1:0). R.Marin, 42 (2:0). Pittas, 52 (2:1). R.Marin, 80 (3:1). Koman, 83 (4:1).
Vərəqələr: Karo, 16. Antoniu, 52. Laifis, 74 – sarı. Laifis, 77 – qırmızı (ikinci sarı).
Hakim: Luka Pairetto (İtaliya).
18 noyabr. Buxarest. 45318 tamaşaçı
Kosovo – Litva 1:0 (1:0)
Kosovo: Muriç, Hadercyonay, Krasniqi, Aliti, Voyvoda, Recbeçay, Berişa (Emerllahu, 46), Jeqrova (Hoti, 79), Yaşari, Albion Rrahmani (Bitiqi, 46), Muriqi (Asllani, 79).
Litva: Gertmonas, Şirvis, Girdvaynis, Utkus, Milasius, Gineytis, Vorobyovas (Yansonas, 79), Slivka, Lasiçkas, Çernıx (Qolubiçkas, 60), Paulauskas.
Qol: Yaşari, 5.
Vərəqələr: Şirvis, 25. Recbeçay, 37. Muriç, 89 – sarı. Yaşari, 45+1 – qırmızı.
Hakim: Kristoffer Hagenes (Norveç).
18 noyabr. Priştina. 12856 tamaşaçı
1. Rumıniya 6 6 0 0 18-3 18
2. Kosovo 6 4 0 2 10-7 12
3. Cənubi Kipr 6 2 0 4 4-15 6
4. Litva 6 0 0 6 4-11 0
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
