Deputat Kamal Cəfərov, Elm və Təhsil Nazirliyinin strukturuna daxil olan qurumların əməkdaşları üçün "Korrupsiyaya qarşı mübarizə və etik davranış" mövzusunda təlim keçib. Təlimin əsas məqsədi dövlət qulluqçularının etik davranış qaydalarını sadə və başadüşülən şəkildə təqdim etmək, eyni zamanda, praktiki nümunələr vasitəsilə bu qaydaların tətbiqini asanlaşdırmaq olub.
QHT.az xəbər verir ki, deputat təlimin həmçinin təhsil işçilərinin etik dilemmlər qarşısında düzgün və əsaslandırılmış qərar qəbul etmə bacarıqlarını inkişaf etdirməyə yönəldiyini vurğulayıb. Təlimdə iştirakçılar arasında fəal fikir mübadiləsinin aparıldığını və müzakirələrin çox məhsuldar və uğurlu keçdiyini qeyd edib.
Deputat Kamal Cəfərov dövlət qulluqçularının etik davranışlarına dair bu cür təlimlərin vacibliyini və cəmiyyətin inkişafına xidmət etdiyini bildirdi. Bu tip tədbirlərin gələcəkdə də davam etməsi və iştirakçıların etik məsələlərdə daha çox məlumatlı olmaları məqsədini daşıdığını ifadə edib.
Pərvanə Fərhadqızı
