Çin Tayvanın başçısı Lay Tsindenin ABŞ-a gizli səfərlərinə qəti şəkildə qarşıdır.
Azpost.info xəbər verir ki, bunu Çin Xarici İşlər Nazirliyinin rəsmi nümayəndəsi Mao Nin Lay Tsindenin Havay və Quam adalarına mümkün səfərini şərh edərkən bildirib.
“Çin ABŞ və Tayvan arasında istənilən formada rəsmi təmaslara qəti şəkildə qarşıdır. Biz Tayvan rəhbərliyinin hər hansı bəhanə ilə və ya hər hansı səbəbdən ABŞ-a gizli səfər etməsinə qətiyyətlə qarşıyıq”, – Nin bildirib.
Pekin Vaşinqtonu ABŞ liderlərinin üzərinə götürdüyü öhdəlikləri sədaqətlə yerinə yetirməyə, ada ilə rəsmi mübadilələri dayandırmağa və artıq Taypeyə yanlış siqnallar göndərməməyə çağırır.
Mao Nin xatırladıb ki, Birləşmiş Ştatlar Tayvan məsələsinə ikiqat ehtiyatla yanaşmalıdır.
Azpost.info
