FIFA ənənəvi olaraq ilin ən yaxşıları üzrə müvafiq seçimlər əsasında namizədlərin siyahısını açıqlayaraq, səsvermə təşkil edib.
Arena.az məlumat verir ki, müxtəlif təqdimatlardan ibarət siyahı və səsvermə FIFA-nın rəsmi saytında yerləşdirilib.
Kişi futbolunu əhatə edən seçimlərə 2024-cü ilin ən yaxşı oyunçusu, ən yaxşı məşqçisi, ən yaxşı qapıçısı, ən yaxşı müdafiəçisi, ən yaxşı yarımmüdafiəçisi və ən yaxşı hücumçusu daxildir. Həmçinin ilin ən gözəl qolu üzrə “Ferents Puşkaş Mükafatı”, azarkeş mükafatı, eləcə də qadın futbolunu əhatə edən təqdimatlar öz qaliblərini tapacaq.
İlin ən yaxşı oyunçusu:
Cud Bellingem (“Real”), Daniel Karvaxal (“Real”), Erlinq Haland (“Mançester Siti”), Toni Kroos (“Real”/futbolçu karyerasına xitam verib), Kilian Mbappe (“Real”), Lionel Messi (“İnter Mayami”), Rodri (“Mançester Siti”), Federiko Valverde (“Real”), Vinisius Junior (“Real”), Florian Virts (“Bayer”), Lamin Yamal (“Barselona”);
İlin ən yaxşı məşqçisi:
Karlo Ançelotti (“Real”), Xosep Qvardiola (“Mançester Siti”), Xabi Alonso (“Bayer”), Lionel Skaloni (Argentina milli yığma komandası), Luis de la Fuente (İspaniya milli yığma komandası);
İlin ən yaxşı qapıçısı:
Canluici Donnarumma (PSJ), Ederson Moraes (“Mançester Siti”), Andrey Luinin (“Real”), Mayk Menyan (“Milan”), Emiliano Martines (“Aston Villa”), David Rayya (“Arsenal”), Unai Simon (“Atletik”);
İlin ən yaxşı müdafiəçisi:
Manuel Akanci (“Mançester Siti”), Nino (Sankt-Peterburq “Zenit”i), Bremer (“Yuventus”), Alessandro Bastoni (“İnter”), Liberto Kakaçe (“Empoli”), Daniel Karvaxal (“Real”), Dante (“Nitsa”), Ruben Diaş (“Mançester Siti”), Alfonso Deyvis (“Bayern”), Federiko Dimarko (“İnter”), Ceremi Frimponq (“Bayer”), Qrimaldo (“Bayer”), Əşrəf Hakimi (PSJ), Mats Hummels (“Roma”), Emerik Lyaport (“Əl-Nəsr”), Alister Conston (“Seltik”), Nikolas Otamendi (“Benfika”), Antonio Rüdiger (“Real”), Vilyam Saliba (“Arsenal”), Conatan Ta (“Bayer”), Uilyam Troost-Ekonq (“Əl-Xolud”), Qabriel Maqalyans (“Arsenal”);
İlin ən yaxşı yarımmüdafiəçisi:
Lautaro Akosta (“Lanus”), Tyaqo Almada (“Botafoqo”), Raul Baena (“Vilyarreal”), Cud Bellingem (“Real”), Hakan Çalhanoğlu (“İnter”), Eduardo Kamavinqa (“Real”), Filip Foden (“Mançester Siti”), Toni Kroos (“Real”/futbolçu karyerasına xitam verib), Qanso (“Fluminense”), Takefusa Kubo (“Real Sosyedad”), Fermin Lopes (“Barselona”), Martin Edeqor (“Arsenal”), Daniel Olmo (“Barselona”), Koul Palmer (“Çelsi”), Kristian Pulişiç (“Milan”), Deklan Rays (“Arsenal”), Rodri (“Mançester Siti”), Ceyms Rodriges (“Rayo Valyekano”), Fabian Ruis (PSJ), Federiko Valverde (“Real”), Florian Virts (“Bayer”), Qranit Caka (“Bayer”);
İlin ən yaxşı hücumçusu:
Əkrəm Afif (“Əl-Sədd”), Pyer-Emerik Obameyanq (“Əl-Kadisiya”), Xerman Kano (“Fluminense”), Artyom Dovbik (“Roma”), Viktor Dyökereş (Lissabon “Sportinq”i), Harri Keyn (“Bayern”), Ademola Lukman (“Atalanta”), Lautaro Martines (“İnter”), Kilian Mbapppe (“Real”), Lionel Messi (“İnter Maiami”), Camal Musial (“Bayern”), Sufyan Rahimi (“Əl-Əyn”), Rodriqo (“Real”), Kristiano Ronaldo (“Əl-Nəsr”), Salomon Rondon (“Paçuka”), Bukayo Saka (“Arsenal”), Vinisius Junior (“Real”), Olli Uotkins (“Aston Villa”), Niko Uilyams (Bilbao “Atletik”i), Lamin Yamal (“Barselona”).
Əlavə edək ki, namizədlərin təqdimatı onların 2023-cü ilin avqust ayının 21-dən 2024-cü ilin avqust ayının 10-a qədər müddətdəki çıxışları əsasında müəyyənləşdirilib.
