Xarici işlər naziri Hakan Fidan 29 noyabr Fələstin Xalqı ilə Beynəlxalq Həmrəylik Günü münasibətilə açıqlama verib.
H.Fidan Türkiyənin ədalət və sülhün bərqərar olması üçün Fələstin xalqı və beynəlxalq ictimaiyyətlə işləməyə davam edəcəyini vurğulayıb.
Xarici işlər naziri açıqlamada xatırladıb ki, fələstinlilər 1947-ci ildən bəri məruz qaldıqları haqsızlıq və zülmlərə baxmayaraq, haqq yolundan əl çəkmədən şərəfli mübarizə aparıblar.
Fələstinlilərin öz torpaqlarını tərk etməklə deyil, öz kimliklərini iddia etməklə qlobal insani dəyərlərə inamı təmsil etdiklərinə işarə edən nazir H.Fidan “Fələstin xalqının mübarizəsinə beynəlxalq dəstək günü-gündən artmaqdadır”. deyib.
Hakan Fidan həmçinin bildirib ki, Fələstin xalqı öz torpaqlarında, öz dövlətinin çətiri altında mütləq azad və təhlükəsiz həyata qovuşacaq.
Türkiye Prezidenti Administrasiyasının Kommunikasiya İdarəsinin rəhbəri Fahrettin Altun da 29 noyabr Fələstin Xalqı ilə Beynəlxalq Həmrəylik Günü münasibətilə videomüraciət paylaşıb.
F.Altun sosial media hesabındakı paylaşımında 1947-ci ildən İsrailin işğalı altında olan Fələstin torpaqlarına köçkünlərin təcavüzü ilə başlayan prosesin qətliamlar və 420 gündür cəhd edilən soyqırımlarla davam etdiyini bildirib.
Bu soyqırımın ancaq bəşəriyyətin ittifaqı ilə dayandırıla biləcəyinə işarə edən F.Altun "Bir gün Fələstin mütləq azad olacaq" deyib.
“İşğal, soyqırım” adlı videoda Fələstinin 1937-ci ildən bu günə qədər necə parçalandığını izah edən qrafiklər yer alıb.
