“Türk-Macar Mədəniyyət İli” çərçivəsində Türkiyə ilə Macarıstan arasında mühüm əməkdaşlığa imza atılıb.
Publika.az xəbər verir ki, Macarıstan hərbi və mülki personalına türk dili təhsili veriləcək.
Budapeşt Yunus Əmrə İnstitutu (YEE) ilə Macarıstan Milli Müdafiə Nazirliyi arasında silahlı qüvvələr və mülki personala türk dili təhsili vermək məqsədilə əməkdaşlıq protokolu imzalanıb. Bununla da YEE sözügedən protokolla Macarıstandakı təhsil və mədəni əməkdaşlıq fəaliyyətlərinə bir yenisini əlavə edib.
İmzalanma mərasimində Türkiyənin Budapeştdəki səfiri Gülşen Karanis Ekşioğlu, Macarıstan Müdafiə Nazirliyinin Müdafiə Strategiyası və İnsan Resursları Siyasəti üzrə dövlət katibi Kutnyanszky Zsolt Krisztian, Budapeşt YEE Koordinatoru Mustafa Aydoğdu, hərbi attaşe polkovnik Feride Tosun və nazirlik personalı qatılıb.
