"TRT World" Forumunda o əlamətdar anlar -Prezident Rəcəb Tayyib Ərdoğanın çıxışı zamanı kürsüdə təsbehi nümayiş etdirilib.
Turkustan.az xəbər verir ki, Türkiyə prezidenti Rəcəb Tayyib Ərdoğan bu il 8-ci "TRT World" Forumunda iştirak edib. Prezident Ərdoğan beynəlxalq arenanın Fələstinə qarşı laqeyd münasibətinə diqqət çəkmək üçün çıxışı boyu kürsüdə təsbehi asılı qoyub.
"TRT World" forumuna qatılan prezident Rəcəb Tayyib Ərdoğan fələstinli uşaqlarla görüşüb. Fələstinli uşaqlar Ərdoğana xüsusi hədiyyə verib. Bir qrup fələstinli uşaq prezident Rəcəb Tayyib Ərdoğana zeytun ağacından hazırlanmış təsbeh hədiyyə edib. Bu hədiyyə Fələstin xalqının çətinliklərinə və dözümlülüyünə simvolik istinad kimi diqqəti cəlb edib.
Zeytun budağı sülh və müqavimət simvolu sayılsa da, uşaqların zeytun ağacından hazırladıqları bu mənalı hədiyyə Ərdoğanı təsirləndirib.
Prezident Ərdoğan çıxışı boyunca kürsüdə hədiyyəli təsbehi saxlayaraq, fələstinli uşaqların mesajını və onların sülh çağırışını bütün dünyaya çatdırdı.
Prezident Ərdoğanın çıxışı zamanı kürsüdə nümayiş etdirilən təsbehi təqdim edirik:
Ərdoğan forumda çıxış edərək deyib: "Ümid edirik ki, İsrail ilə Livan arasında bir gün əvvəl əldə olunan atəşkəs daimi olacaq.
Biz təkcə Qəzzada soyqırımı dayandırmaq və daimi sülhə yol açmaq üçün deyil, bütün bədənimizi məsuliyyət altına qoymağa hazırıq.
Bəşəriyyət daha da hündürlüyü itirməzdən əvvəl Qəzzada davamlı atəşkəs mümkün qədər tez qurulmalıdır. Türkiyə bunu ilk gündən müdafiə edir".
Aytən Yaşar/ Turkustan.az
