“Şamaxı” Premyer Liqanın XV turunda bu gün “Kəpəz”i qəbul edəcək.
“FutbolPress“in məlumatına görə, hər iki komanda uğursuz seriyadadır. Belə ki, meydan sahibləri Premyer Liqada 7 oyundur, qələbə qazana bilmir. Ayxan Abbasovun yetirmələri bu görüşlərdə 2 heç-heçə edib, 5 dəfə uduzub. Komandanın ev oyunlarındakı məğlubiyyətsizlik seriyası isə 3-dür. “Şirlər” son olaraq Şamaxı şəhər stadionunda “Zirə”yə uduzub.
“Kəpəz” isə iki oyundur, qələbə qazana bilmir. Turnir cədvəlinin sonuncusu olan gəncəlilər çempionatda son beş oyunda 1 qələbə qazanıb. “Kəpəz” Premyer Liqada bu mövsüm səfərdə qələbə qazana bilməyib. Yeganə bir xal isə iki tur öncə “Sabah”la oyunda alınıb (1:1).
Komandalar arasındakı son beş oyunda “Şamaxı” 1, “Kəpəz” 2 qələbə qazanıb. 3 görüşdə isə bərabərlik qeydə alınıb.
Şahin Cəfərov
