İspaniya millisinin heyətində Avropa çempionu olan, hazırda Səudiyyə Ərəbistanının "Əl-Nəsr" komandasında çıxış edən mərkəz müdafiəçisi Aymerik Laport "Real Madrid"in baş məşqçisi Karlo Ançelottinin qış transfer pəncərəsində əsas istəyidir.
Fanat.Az xəbər verir ki, bu barədə "The Athletic"-in jurnalisti Mario Kartejana sosial şəbəkə hesabı üzərindən məlumat yayıb.
Mənbənin məlumatına görə, "Kral klubu" Ançelottinin istəyi ilə Laportun transferini araşdırır.
Bundan əlavə, Madrid klubu alternativ olaraq, "Napoli"də oyun qıtlığı yaşayan Rafa Marinin keçidini planlaşdırır. Marin ötən yay "Real Madrid"dən 12 milyon avroya İtaliya klubuna keçib. O, bu mövsüm yalnız İtaliya Kubokunda bir matça çıxıb, A Seriyasında isə debüt etməyib.
Laport 2023-cü ilin avqustunda “Mançester Siti”dən “Əl-Nəsr”ə keçib. Onun klubla müqaviləsinin müddəti 2026-cı ilin yayına kimi nəzərdə tutulub. "Transfermarkt" futbolçunun bazar dəyərini 20 milyon avro dəyərləndirir.
Mirağa
