İspaniya nəhəngi “Real”ın ingilis hücumameylli yarımmüdafiəçisi Cud Bellingem “qaymaqlılar”ın azarkeşlərindən üzr istəyib.
Arena.az məlumat verir ki, ingilis futbolçunu müvafiq addıma, “Real”ın Çempionlar Liqasının Liqa mərhələsinin 5-ci turu çərçivəsində “Liverpul”a 0:2 hesablı səfər məğlubiyyəti sövq edib:
“Biz həmişə bir addım öndəyik, amma hazırda iki addım geridəyik. Parlaq rəqibə rəğmən, həqiqətən məyusedici səmərə və nəticə nümayiş etdirdik. Mən hamıya təşəkkür etməliyəm və bizi İngiltərəyə qədər müşayiət etmiş bütün madridlilərdən üzr istəməliyəm. Dəyişdirilməsi mümkünsüz bir xüsus üzərində dayanmağın mənası yoxdur. Biz birlikdə qalmalı və bir-birimizi növbəti mühüm addımlar atmağa sövq etməliyik”, – Bellingem özünün sosial şəbəkə hesabı üzərindən paylaşıb.
5 turdan sonra “Liverpul” UEFA Çempionlar Liqasının Liqa mərhələsinin yarış cədvəlində 15 xalla zirvədə qərarlaşıb. “Real” isə 6 xalla 24-cü pillədədir.
