Bu gün Bakı Ali Neft Məktəbinin (BANM) yaradılmasından 13 il ötür.
TƏHSİL.BİZ məqsədi dünyada tanınan ali məktəbə çevrilmək olan bu ali təhsil müəssisəsinin fəaliyyətinə nəzər salır.
Bu il BANM-in 4 ixtisası Azərbaycan Universitetləri arasında ən yüksək keçid balına görə ilk 5-likdə yer alıb. Ölkə tarixində ən yüksək keçid balı BANM-in “İnformasiya təhlükəsizliyi” ixtisasına məxsusdur. (2020-ci il, 689 bal)
Qeyd edək ki, ölkədə ən yüksək orta keçid balı da (645 bal) BANM-ə aiddir. Ödənişli ixtisaslar üzrə ən yüksək keçid balı da məhz BANM-ə məxsusdur. Ölkə tarixində 1 təqvim ilində ən çox 700 bal toplamış tələbə BANM-i seçib. (13 nəfər)
Ardıcıl 6 il Prezident təqaüdçülərinin sayında BANM liderdir. Bu il də 33 Prezident təqaüdçüsü ilə universitet yenə də liderliyini qoruyub. Bu rekord da yalnız BANM-ə məxsusdur.
II qrupda BANM-də ilk dəfə “Biznesin idarə edilməsi” ixtisası yaradılarkən Prezident təqaüdçülərin mütləq əksəriyyəti BANM-i seçib.
Əksər startap və hakatonların qalibi məhz bu universitetin tələbələri olub. İş təminatında ən yüksək nəticəni əldə edib. 35 tələbəsi dövlət proqramına daxil olmaqla yüksək nəticə əldə edib.Bakıda keçirilən “TEKNOFEST Azərbaycan”da ən çox qalib BANM komandaları olub.
