Suriyada qiyamçılar İdlib şəhərini tamamilə ələ keçirib.
Modern.az xəbər verir ki, bu barədə "Reuters" mənbələrə istinadən yazıb.
Bildirilir ki, Suriyanın Marat ən-Numan şəhəri də qiyamçıların nəzarəti altındadır.
Suriya Mülki Müdafiəsi həmçinin bildirib ki, Suriya və Rusiya aviasiyası İdlib vilayətində yaşayış məntəqələri, yanacaqdoldurma məntəqəsi və məktəbə hava zərbələri endirib. “Reuters”in mənbələrinə görə, Moskva Dəməşqə əlavə hərbi yardım göstərəcək. Yardımın yaxın 72 saatda Suriyaya çatdırılacağı qeyd olunur.
Bundan əvvəl Suriya ordusu silahlıların Hələbin böyük hissəsini ələ keçirdiyini açıqlayıb.
Xatırladaq ki, noyabrın 26-da suriyalı üsyançılar Hələb şəhəri və İdlib vilayətinə hücuma başlayıblar.
