Daha bir universitet tələbəsində qızılcaya yoluxma aşkarlandı

Azərbaycan Memarlıq və İnşaat Universitetinin (AzMİU) tələbəsində qızılcaya yoluxma faktı aşkarlanıb. Gununsesi.info xəbər verir ki, iqtisadiyyat.az-ın əldə etdiyi məlumata görə, həmin şəxs 2003-cü il təvəllüdlü Dövlətov Murad Vidadi oğludur.Belə ki, tələbə xəstəliyi ilə əlaqədar olaraq tibb müəssisəsinə müraciət edib. Müayinələrdən sonra ona qızılca diaqnozu qoyulub.AzMİU-dan isə İqtisadiyyat.az-ın sorğusuna cavab olaraq bildirilib ki, həmin tələbə qızılcaya universitetdən kənarda yoluxub və artıq sağalıb.Qeyd edilib ki, tələbə artıq dərslərini davam etdirir.Bundan əlavə, hazırda universitetin başqa tələbəsində yoluxma halı aşkarlanmayıb.Xatırladaq ki, son günlər Azərbaycanda qızılcaya yoluxma halları müşahidə edilir. Daha əvvəl isə Azərbaycan Dövlət Pedoqoji Universitetinin (ADPU) Cəlilabad Filialının üç tələbəsində qızılcaya yoluxma faktı aşkarlanmışdı.Gununsesi.info