“Bayer”in baş məşqçisi Xabi Alonso Almaniya Kubokunun 1/8 finalında “Bayern” üzərində 1:0 hesablı qələbəni şərh edib.
Arena.az məlumat verir ki, “Arena Münhen”də qazanılmış bu qələbə sayəsində “əczaçılar” Almaniya Kubokunun 1/4 finalına vəsiqə qazanıblar.
Xabi Alonso qarşılaşmadan sonra baş tutan mətbuat konfransında bunları söyləyib:
“Mən çox qürur duyuram ki, “Bayern”in meydanında ona qalib gələrək növbəti mərhələyə adladıq. Burada 10 nəfərə qarşı oynasaq belə, uğur qazanmaq çətindir, amma biz bunu bacardıq… Mən xoşbəxtəm. Bu, qızğın bir döyüş idi. Bunu oyundan əvvəl də bilirdim. 1/4 finala yüksəldiyimiz üçün çox şadıq”, – “Bayern”in mətbuat xidməti ispan mütəxəssisdən sitat gətirir.
Xatırladaq ki, “Bayern”in 38 yaşlı alman qapıçısı və kapitanı Manuel Noyer oyunun 17-ci dəqiqəsində birbaşa qırmızı vərəqə alaraq, Almaniya nəhəngini azlıqda qoyub.
Vurğulayaq ki, “Bayer” Almaniya Kubokunun cari sahibi və Almaniya Bundesliqasının cari çempionudur.
