Almaniya Kubokunun 1/8 finalında səfərdə "Bayern Münhen"i məğlub edərək növbəti mərhələyə yüksələn "Bayer Leverkuzen"in baş məşqçisi Xabi Alonso oyundan sonra təşkil edilən mətbuat konfransında fikirlərini bölüşüb.
Fanat.Az xəbər verir ki, ispan mütəxəssisin sözlərini "Bayern Münhen"in mətbuat xidməti belə çatdırıb:
"Bayern"i öz meydanında məğlub edərək növbəti mərhələyə çıxdığımız üçün çox qürurluyam. Rəqib 10 nəfərlə mübarizə aprsa belə, burada uğur qazanmaq çətindir. Amma biz bacardıq. Bu, çılğın döyüş idi. Oyundan öncə də belə olacağını bilirdim. 1/4 finala yüksəldiyimiz üçün çox şadıq".
Xatırladaq ki, meydan sahiblərinin qapıçısı Manuel Noyer oyunun 17-ci dəqiqəsində birbaşa qırmızı vərəqə alaraq komandasını azlıqda qoyub.
Nihat
