Qəzzada humanitar atəşkəs uzadıla bilər

ABŞ Prezidenti Cozef Bayden Massaçusets ştatında keçirilən mətbuat konfransında HƏMAS hərəkatı ilə İsrail arasında dörd günlük humanitar atəşkəslə bağlı açıqlama verib. Gununsesi.info xəbər verir ki, Ağ evin məlumatına görə, jurnalıstlərin müvafiq sualını cavablandıran Cozef Bayden Qəzzada atəşkəs rejiminin uzadılması ehtimalının olduğunu bildirib. Noyabrın 24-də HƏMAS dördü yeniyetmə olmaqla 13 girovu İsrail tərəfinə təhvil verib. Təl-Əviv isə bunun əvəzində 39 fələstinlini – 24 qadını və 15 yeniyetməni azad edib. Razılaşma çərçivəsində HƏMAS hərəkatının əlində olan 50 israilli girovun qarşılığında İsrail həbsxanalarında olan 150 fələstinli azadlığa buraxılacaq.  Gununsesi.info