Almaniya kubokunda 1/8 final mərhələsinə yekun vurulub.
Fanat.Az xəbər verir ki, bu gün son 4 görüş reallaşıb.
“Köln” “Herta”ı, “Volfsburq” “Hoffenhaym”ı, “Leyptsiq” isə “Ayntraxt”ı mübarizədən kənarlaşdıraraq 1/4 finala adlayıb. “Karlsrue” - "Auqsburq" qarşılaşması daha dramatik alınıb. Əsas və əlavə vaxtı bərabərliklə bitən qarşılaşmanın taleyini penalti seriyası müəyyənləşdirib. Daha dəqiq olan "Auqsburq" istəyinə çatıb.
Daha öncə “Arminiya”, “Ştutqart”, “Bayer Leverkuzen” və “Verder” də növbəti mərhələyə yüksəlmişdilər.
Almaniya kuboku
1/8 final
4 dekabr
Köln – Herta 2:1
Qollar: Nyederlexner, 30-öz qapısına. Lyubiçiç, 120+1-pen – Maza, 12-pen.
Volfsburq – Hoffenhaym 3:0
Qollar: Vavro, 63. Vind, 67. Gerhardt, 85.
Karlsrue – Auqsburq 2:2 (penaltilər 4:5)
Qollar: Şleyzener, 54. Vanitsek, 111 – Essende, 40. Varqas, 120+3.
Leyptsiq – Ayntraxt 3:0
Qollar: Şeşko, 31. Openda, 50; 58.
