"Biz ikinci forum çərçivəsində Özbəkistanda bir araya gəlmişik. Bu gün ərzində Özbəkistan və Azərbaycan vətəndaş cəmiyyəti nümayəndələri müxtəlif panellərdə müzakirələr aparacaq. Fürsətdən istifadə edərək, bütün təşkilatçılara, xüsusilə assosiasiyanın rəhbərinə təşəkkürümü bildirmək istəyirəm."
QHT.az xəbər verir ki, bu fikirləri Özbəkistanda yerli televiziyalara verdiyi müsahibəsində QHT-lərə Dövlət Dəstəyi Agentliyinin icraçı direktoru Aygün Əliyeva bildirib.
İcraçı direktor vurğulayıb ki, COP 29 dövründə Özbəkistan qeyri-hökumət təşkilatlarının Azərbaycan vətəndaş cəmiyyətinə göstərdiyi ciddi dəstək hiss olunub. "Xüsusilə yüzdən artıq qeyri-hökumət təşkilatının Azərbaycanın ev sahibliyinə dəstək verməsi və COP 29 çərçivəsində 'Yaşıl Zona'da Türk ölkələrinin qeyri-hökumət təşkilatlarının forumunda aktiv iştirakı bizi həm sevindirdi, həm də qürurlandırdı. Mən əminəm ki, bu dostluq və qardaşlıq münasibətləri daim əbədi olaraq davam edəcək."
