Müəllif: Gülnar Əhmədli, Banco.az
2024-cü ilin yanvar-noyabr aylarında Azərbaycandan xaricə 2023-cü ilin eyni dövrü ilə müqayisədə 6.7% daha çox (24 335) aviareys təşkil olunub.
Banco.az Dövlət Turizm Agentliyinə istinadən xəbər verir ki, cari ilin 11 ayında ölkədən ən çox reys Rusiya (7 067) istiqamətində olub.
İkinci yerdə Türkiyə (5 405), üçüncü yerdə isə 2 880 reyslə Birləşmiş Ərəb Əmirlikləri (BƏƏ) qərarlaşıb.
Xatırladaq ki, ötən ilin eyni dövründə Rusiyaya təşkil edilmiş reyslərin sayı 7 015, Türkiyəyə 5 624, Birləşmiş Ərəb Əmirliklərinə isə 2 438 olub.
