II Liqada 11-ci tura yekun vurulub.
«Kür-Araz» Saatlıda «Şəki Siti»ni qəbul edib.
Qarşılaşma kifayət qədər açıq mübarizə şəraitində keçib. Qapılar önündə üst-üstə 20-yə yaxın qol epizodu yaradılıb.
Hər iki tərəf fərqlənmək üçün əlindən gələni və gəlməyəni edib. Tir və dirəklər matçın bolqollu alınmasına imkan verməyib.
Qapıçılar 90 dəqiqə ərzində xeyli əziyyət çəkib. İstər Əmrah Zülfüqarlı, istərsə də Elnar Qabanov bir neçə seyvlə yadda qalıb.
Futbol ilahəsi izn versəydi, hesabın açılması üçün 38 dəqiqə gözləmək lazım gəlməyəcəkdi. Bəlkə daha 5-10 dəqiqə belə keçəcəkdi.
Əgər Səbuhi Bayramov olmasaydı. Vaxtilə Premyer Liqaya təyinat almış, indi isə Iı Liqada gününü keçirən referi «Kür-Araz»a simpatiya bəsləyib.
Onun verdiyi penaltini videoda görəcəksiz: həm gülməli, həm də ağlamalıdır.
Baş hakim tərəf seçməsəydi, bir qədər sonra İmişli komandasının qapısına da penalti təyin edərdi. Bayramov etməli olduğu qərardan yayındı.
Millinin sabiq yarımmüdafiəçisi Ramazan Abbasov elə oyun olmur ki, qol vurmasın, yaxud məhsuldar ötürməylə yadda qalmasın.
«Bakı»nın yetirməsi kifayət qədər kökəlib, amma çevikliyini tam itirməyib. Bir qədər arıqlasa, rahat-rahat I Liqada adından söz etdirə bilər.
Onun fərqləndiyi sonuncu epizodu gözdən keçirsəz, zarafat eləmədiyimizə əmin ola bilərsiz.
SPORTİNFO.AZ
“Kür-Araz” – “Şəki Siti” 2:0
Qollar: Elxan Məmmədov 38 (pen); Ramazan Abbasov 55
Saatlı OİK stadionu. 40 tamaşaçı
Baş hakim: Səbuhi Bayramov
Baş hakimin köməkçiləri: Sənan Atayev, Zakir Şükürzadə
Dördüncü hakim: İslam Məmmədov
Hakim-inspektor: Orxan Məmmədov
AFFA nümayəndəsi: Elman Musayev
Sarı vərəqələr: İlkin Hüseynli, 30 (hakimin qərarına etiraz) // Elnar Şabanov, 37 (hakimin qərarına etiraz); Ceyhun Rəcəbli, 40 (qeyri-idman hərəkəti); Orxan Kərimov, 65 (hakimin qərarına etiraz)
Artırılan vaxt: I hissədə - yoxdur.; II hissədə - 2 dəq.
“Kür-Araz”: 99. Əmrah Zülfüqarlı 11. Ramazan Abbasov (7. Fəzail Şirxanzadə, 62) 14. Elnur Məmmədov (k) 8. Cavidan Musazadə 22. Mirabbas Mirbabayev (4. Fərid Oruczadə, 77) 6. Ağasən Əsgərov 9. Elxan Məmmədov 10. Bayram Əliyev (13. Nihad Məmmədov, 85) 77. Museyib Vəlizadə (18. Nicat Fərəcli, 77) 15. Babək Yaqublu 5. İlkin Hüseynli
Ehtiyat oyunçular: 1. Şöhlət Rəhimov 3. Eltun Həsənli 16. Əli İbrahimli
Baş məşqçi: Üzeyir Sefizadə
“Şəki Siti”: 1. Elnar Şabanov 5. Ramin İsmayılov 20. Orxan Kərimov 55. Elçin Ramazanov (k) 77. Nəriman İmayətov 3. Mehman İbadov (88. Ramil İsmayılov, 68) 7. Ceyhun Rəcəbli 11. Elşən Mustafayev (10. İlkin Məmmədov, 87) 17. Xalıq Şabanov (13. Eldəniz Əliyev, 89) 71. Fərid İslamzadə (99. Elgün Hacıbabayev, 87) 19. Asim Quliyev
Ehtiyat oyunçular: 12. Emil Mustafayev
Baş məşqçi: Firuddin Mövsümov
