Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 16-cı turuna start veriləcək.
Arena.az xəbər verir ki, ilk oyun günündə iki qarşılaşma baş tutacaq.
Turun açılış oyunu “Səbail”lə “Araz-Naxçıvan” arasında keçiriləcək. Premyer Liqada keçirdiyi son 6 oyundan beşində uduzub, birində heç-heçə edən, ötən tur hətta sonuncu pilləyə yuvarlanan paytaxt təmsilçisi uğursuz gedişata son qoymaq arzusundadır. Amma Cavid Hüseynovun gəlişindən sonra da özünə gələ bilməyən “dənizçilər”in cari mövsümdə uğurlu çıxış edən “Araz-Naxçıvan”a qalib gəlməsi inandırıcı görünmür. Ardıcıl 5 oyundur qələbə qazanan, 14 oyundur məğlubiyyət tanımayan Naxçıvan təmsilçisi lider “Qarabağ”dan aralanmamaq üçün bu oyundan da 3 xalla ayrılmağa çalışacaq.
“Səbail”lə “Araz-Naxçıvan” Premyer Liqada 6-cı dəfə üz-üzə gələcəklər. Əvvəlki 5 oyunda “dənizçilər” 2, naxçıvanlıar 1 qələbə qazanıblar, 2 görüş bərabərliklə bitib. “Səbail” bütün oyunlarda qol vurub. “Araz-Naxçıvan” səfərdə qələbə qazanmayıb.
Bu gün həm də turun mərkəzi görüşü baş tutacaq. Belə ki, “Sabah” doğma meydanda son çempion və lider “Qarabağ”la üz-üzə gələcək. Oyun FIFA referisi Elçin Məsiyev idarə edəcək.
Bu, “Sabah”la “Qarabağ”ın 25-ci çempionat oyunu olacaq. Paytaxt klubu əvvəlki oyunlarda cəmi 2 dəfə 3 xala sevinib. Ağdam klubu isə bunu 15 dəfə bacarıb. 7 görüş də heç-heçə yekunlaşıb. Son üç görüşdə 5 və ya daha çox qol qeydə alınıb. “Qarabağ” son 7 oyunda qol vurub.
Premyer Liqa
16-cı tur
7 dekabr
15:00. “Səbail” – “Araz-Naxçıvan”
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov.
VAR: Rəvan Həmzəzadə.
AVAR: İnqilab Məmmədov.
Hakim-inspektor: Orxan Məmmədov.
AFFA nümayəndəsi: Erkin Hüseynov.
“Bayıl Arena”.
18:00. “Sabah” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Ömər Paşayev.
AFFA nümayəndəsi: Elçin Məmmədov.
“Masazır Arena”.
8 dekabr
16:00. “Kəpəz” – “Zirə”
Hakimlər: Tural Qurbanov, Zöhrab Abbasov, Teymur Teymurov, Əli Əliyev.
VAR: Rəşad Əhmədov.
AVAR: Eyyub İbrahimov.
Hakim-inspektor: Anar Salmanov.
AFFA nümayəndəsi: Kifayət Mustafayeva.
Tovuz şəhər stadionu.
18:00. “Sumqayıt” – “Neftçi”
Hakimlər: Fərid Hacıyev, Rəhman İmami, Kamran Bayramov, Cavid Cəlilov.
VAR: İnqilab Məmmədov.
AVAR: Namiq Hüseynov.
Hakim-inspektor: Rəhim Həsənov.
AFFA nümayəndəsi: Elgiz Abbasov.
Mehdi Hüseynzadə adına Sumqayıt şəhər stadionu.
9 dekabr
19:00. “Turan Tovuz” – “Şamaxı”
Hakimlər: Kamal Umudlu, Vüsal Məmmədov, Asiman Əzizli, Rauf Allahverdiyev.
VAR: Nicat İsmayıllı.
AVAR: Şirmamed Mamedov.
Hakim-inspektor: Babək Quliyev.
AFFA nümayəndəsi: Asif Əliyev.
Tovuz şəhər stadionu.
