AFFA-nın İntizam Komitəsinin iclası keçirilib.
İdman.biz xəbər verir ki, yığıncaqda Azərbaycan kubokunun 1/8 final mərhələsində yaşananlar müzakirə olunub.
Komitə klublara cəzalar verib.
3 dekabr 2024-cü il tarixində Azərbaycan Kubokunda 1/8 finalın “Turan Tovuz” – “Sabah” oyunu bitdikdən sonra “Turan Tovuz” komandasının azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ikinci dəfə yaşandığına görə “Turan Tovuz” komandası 500 manat cərimə edilir (maddə 43.7);
3 dekabr 2024-cü il tarixində Azərbaycan Kubokunda 1/8 finalın “Turan Tovuz” – “Sabah” oyununda “Turan Tovuz” komandasının azarkeşləri tərəfindən pirotexniki vasitədən istifadə edildiyinə görə “Turan Tovuz” komandası 1500 manat cərimə edilir (maddə 52.2);
4 dekabr 2024-cü il tarixində Azərbaycan Kubokunda 1/8 finalın “Kəpəz” – “İmişli” oyununda “Kəpəz” klubunun 4 futbolçusu sarı vərəqə aldığına görə “Kəpəz” komandası 700 manat cərimə edilir (maddə 37);
İdman.biz
