Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 16-cı turuna start verilib.
Arena.az xəbər verir ki, turun açılış oyunu “Səbail”lə “Araz-Naxçıvan” arasında keçirilib.
Premyer Liqada keçirdiyi son 6 oyundan beşində uduzub, birində heç-heçə edən, ötən tur hətta sonuncu pilləyə yuvarlanan paytaxt təmsilçisi uğursuz gedişata son qoymaq arzusundaydı. Amma Cavid Hüseynovun gəlişindən sonra da özünə gələ bilməyən “dənizçilər”in cari mövsümdə uğurlu çıxış edən “Araz-Naxçıvan”a qalib gəlməsi inandırıcı görünmürdü. Ardıcıl 5 oyun idi qələbə qazanan, 14 oyun idi məğlubiyyət tanımayan Naxçıvan təmsilçisi lider “Qarabağ”dan aralanmamaq üçün bu oyundan da 3 xalla ayrılmağı hədələmişdi.
“Səbail”lə “Araz-Naxçıvan” Premyer Liqada 6-cı dəfə üz-üzə gəliblər. Əvvəlki 5 oyunda “dənizçilər” 2, naxçıvanlıar 1 qələbə qazanmışdılar, 2 görüş bərabərliklə bitmişdi. “Səbail” bütün oyunlarda qol vurmuşdu. “Araz-Naxçıvan” səfərdə qələbə qazanmamışdı.
Amma bu dəfə Naxçıvan klubu “Səbail”ə səfərdə də qalib gəlməyi bacarıb. Üstəlik, “Səbail” əvvəlki oyunlardan fərqli, bu dəfə rəqibinə qol vura bilməyib. Nəticədə “Araz-Naxçıvan” müvəqqəti də olsa, zirvəyə yüksəlib.
Premyer Liqa
16-cı tur
7 dekabr
“Səbail” – “Araz-Naxçıvan” 0:2
Qollar: Ramon Maçado, 45+2-pen. Bernardo Dias, 56.
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov.
VAR: Rəvan Həmzəzadə.
AVAR: İnqilab Məmmədov.
Hakim-inspektor: Orxan Məmmədov.
AFFA nümayəndəsi: Erkin Hüseynov.
Bakı. “Bayıl Arena”.
Səbail: 1. Hüseynəli Quliyev, 74. Yusif Nəbiyev (k), 18. Süleyman Əhmədov, 20. Mert Çelik, 11. Rüfət Abdullazadə, 19. Samir Abdullayev, 8. Qorka Larruçea, 3. Dmitri Litvin, 7. Madi Keta, 5. Gitay Sofir, 14. Suleyman Alluş.
Ehtiyat oyunçular: 12. Əlirza Müştəbazadə, 6. Cabir Əmirli, 77. Fərid Nəbiyev, 15. Vüsal Məsimov, 83. Nihad Quliyev, 16. Emin Rüstəmov, 36. Azad Əsgərov.
Baş məşqçi: Cavid Hüseynov.
Araz-Naxçıvan: 12. Kristian Avram, 5. Qara Qarayev, 34. Ürfan Abbasov (k), 3. Bəxtiyar Həsənalızadə, 2. Slavik Alxasov, 16. Ramon Maçado, 29. Vanderson Melo, 14. Miço Kuzmanoviç, 4. İqor Ribeyro, 97. Felipe Santos, 10. Bernardo Dias.
Ehtiyat oyunçular: 94. Tərlan Əhmədli, 6. Vadim Abdullayev, 7. Ülvi İsgəndərov, 26. Ömər Buludov, 22. Elçin Mustafayev, 20. Turan Vəlizadə, 24. Mustafa Əhmədzadə, 71. Sənan Ağalarov, 57. Elcan Məmmədov, 21. Sezar Meza Kolli, 17. İssuf Paro, 23. Nuno Rodriqes.
Baş məşqçi: Elmar Baxşıyev.
