Futbol üzrə Azərbaycan çempionatında (Premyer Liqa) 2024/2025-ci illər mövsümünün 16-cı turunun oyunları keçirilir.
Arena.az xəbər verir ki, ilk oyun gününün ikinci qarşılaşması həm də turun mərkəzi görüşü olub.
Belə ki, “Sabah” doğma meydanda son çempion və lider “Qarabağ”la üz-üzə gəlib. FIFA referisi Elçin Məsiyevin idarə etdiyi oyunda komandalar hərəyə 1 qol və 1 xalla kifayətləniblər.
Qeyd edək ki, bu, “Sabah”la “Qarabağ”ın 25-ci çempionat oyunu idi. Paytaxt klubu əvvəlki oyunlarda cəmi 2 dəfə 3 xala sevinmişdi. Ağdam klubu isə bunu 15 dəfə bacarmışdı. 7 görüş də heç-heçə yekunlaşmışdı. Bir sözlə, komandalar 8-ci dəfə bərabərə qalıblar.
Bu nəticədən sonra “Qarabağ” liderliyi əldən verib. Belə ki, turun açılış oyununda “Səbail”i 2:0 hesabıyla məğlub etmiş “Araz-Naxçıvan” 39 xalla zirvəyə yüksəlib. “Qarabağ” isə hazırda 38 xalla ikincidir.
Premyer Liqa
16-cı tur
7 dekabr
“Sabah” – “Qarabağ” 1:1
Qollar: Neqoş Kupusoviç, 49 – Nəriman Axundzadə, 67.
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Ömər Paşayev.
AFFA nümayəndəsi: Elçin Məmmədov.
“Masazır Arena”.
Sabah: 1. Yusif İmanov, 4. Elvin Camalov (k), 17. Tellur Mütəllimov, 8. Ayaz Quliyev, 2. Amin Seydiyev, 88. Xəyal Əliyev, 7. Boyan Letiç, 44. Sofian Çakla, 18. Pavol Şafranko, 40. İqor Noqeyra, 99. Neqoş Kupusoviç.
Ehtiyat oyunçular: 55. Nicat Mehbalıyev, 94. Rəvan Mirzəmmədov, 10. Namiq Ələsgərov, 9. Anatoli Nuriyev, 5. Rəhman Daşdəmirov, 22. Abdulla Rzayev, 20. Coy Lens Mikels, 70. Jesse Sekidika, 3. Con İrasabal, 11. Kahim Parris, 12. Vensan Til.
Baş məşqçi: Vasili Berezutski.
Qarabağ: 99. Mateuş Koxalski, 55. Bədavi Hüseynov (k), 30. Abbas Hüseynov, 27. Toral Bayramov, 90. Nəriman Axundzadə, 8. Marko Yankoviç, 18. Olavio Juninyo, 2. Mateus Silva, 6. Julio Romao, 15. Leandro Andrade, 11. Emmanuel Addai.
Ehtiyat oyunçular: 1. Şahrudin Məhəmmədəliyev, 97. Fabian Buntiç, 20. Riçard Almeyda, 13. Bəhlul Mustafazadə, 44. Elvin Cəfərquliyev, 22. Musa Qurbanlı, 29. Marko Veşoviç, 10. Abdullah Zubir, 66. Patrik Andrade, 7. Yassin Benzya, 19. Redon Cica, 21. Aleksey Kaşuk.
Baş məşqçi: Qurban Qurbanov.
