Təbrizin "Traktor" klubu İran çempionatında növbəti oyununa çıxıb.
QOL.az xəbər verir ki, Cənubi Azərbaycan təmsilçisi 8-ci turdan təxirə salınmış oyunda "Qol Qohar"la qarşılaşıb. Oyun "Traktor"un 2:0 hesablı qələbəsi ilə başa çatıb.
Təbrizlilər ilk hissənin sonunda qırmızı vərəqə alaraq azlıqda qalsalar da, ikinci hissədə 2 qol vurmağı bacarıb. "Al-qurdlar"ın qollarını Tomislav Strkalj (68) və Mehdi Naşemnejad (75) vurub.
Bu nəticədən sonra xallarını 25-ə çatdıran "Traktor" liderliyini qoruyub.
