Ruslar Suriyadan çıxır: Hərbi texnikalar təyyarələrə yüklənir

Rusiya qoşunları Suriyadan geri qayıdır. Bunun üçün gəmi və hərbi nəqliyyat təyyarələrinə silah və texnikalar yüklənir.

Bizim.Media xəbər verir ki, bu barədə informasiyanı Ukrayna Müdafiə Nazirliyinin Baş Kəşfiyyat İdarəsi yayıb.

Mənbə qeyd edir ki, Xmeymim aviabazasından Ulyanovsk, Çkalovski və Privoljski aerodromlarına marşrutlar üzrə bir neçə An-124 və İl-76MD təyyarələrinin uçuşları planlaşdırılır.

Rusiya texnikaları daşımaq üçün əlavə donanma obyektlərini də cəlb edib.

Xüsusilə, Baltiyskdə quru yük gəmisi "Sparta II" və böyük desant gəmisi "Alexander Şabalin"in Tartusa yola salınması üçün hazırlıqlara başlanıb. Bundan əlavə, Rusiya Şimal Donanmasının böyük desant gəmiləri "Aleksandr Otrakovski" və "İvan Qrin" Aralıq dənizinə doğru yola düşüb.

Tartus limanında ruslar avadanlıqların və hərbi əmlakın təcili sökülməsini həyata keçirir. Artıq geri çəkilmənin təhlükəsizliyini təmin etmək üçün bir neçə yüz Rusiya xüsusi təyinatlısı oraya gəlib.

Baş Kəşfiyyat İdarəsi Rusiya hərbçilərinin olduğu hərbi bazalardan birinin mühasirədə olduğunu bildirib.

Bizim.Media

• Rusiya
• Təyyarə
• Ukrayna
• Müdafiə Nazirliyi
• Hərbi Texnika
• Gəmi
• Suriyadan Çıxış