Keçmiş məcburi köçkünlərin Xocalı rayonunun Ballıca kəndinə qayıdışı başlayır.
Teleqraf.com xəbər verir ki, artıq kənddə bərpa-yenidənqurma işləri yekunlaşıb, lazımi infrastruktur yaradılıb.
İlkin mərhələdə Ballıcaya 30 ailənin köçürülməsi nəzərdə tutulub.
Dekabrın 11-də kəndə qayıdacaq sakinlər arasında evlərin bölgüsü ilə bağlı püşkatma keçiriləcək.
Qeyd edək ki, Ballıca kəndi 1992-ci ildə erməni silahlı qrupları tərəfindən işğal olunmuşdu.
İkinci Qarabağ müharibəsi nəticəsində imzalanmış 10 noyabr 2020-ci il tarixli üçtərəfli Bəyanata uyğun olaraq adıçəkilən kənd Rusiya sülhməramlı qüvvələrinin nəzarətinə keçmişdi.
2023-cü il sentyabrın 19-20-də aparılan lokal xarakterli antiterror əməliyyatları nəticəsində Ballıca işğaldan azad olunub.
Müəllif: Teleqraf.com
