İran Premyer Liqasının 8-ci turunun təxirə salınan oyunları çərçivəsində Təbrizin "Traktor" klubu ilə Kirman əyalətinin Sircan şəhərinin "Qolqohar" klubu qarşılaşıb.

Bolgə.TV xəbər verir ki, dekabrın 9-da Sircan şəhərinin "Şəhid Süleyman" stadionunda baş tutan görüşdə təbrizlilər qalib gəlib.

Görüşün birinci hissəsində "Traktor"un xorvatiyalı yarımmüdafiəçisi İqor Postonjski qırmızı vərəqə alaraq, komandasını azlıqda qoyub. Buna baxmayaraq, Təbriz təmsilçisi qarşılaşmanı 2-0 hesablı qələbə ilə başa vurub.

Qələbə sayəsində "Traktor" 25 xalla turnir cədvəlinin zirvəsinə yüksəlib.