Suriyadakı silahlı müxalifət öz hökumətini yaratmağa və qanuniləşdirməyə cəhd edə bilər.
Sfera.az xəbər verir ki, bu barədə “Rossiya 24” telekanalına şərqşünas alim, Moskva Dövlət Pedaqoji Universitetinin mədəniyyətşünaslıq və ilahiyyat kafedrasının dosenti, ehtiyatda olan polkovnik-leytenant Oleq Makarenko bildirib
.
Ekspert hesab edir ki, Suriyada müxalifət hökumət yaratmaqla öz hakimiyyətini legitimləşdirməyə çalışacaq.
“Dəməşqi ələ keçirənlər üçün hökumət yaratmaq lazımdır, onlar öz hökumətlərini yaratmağa, onu istənilən yolla qanuniləşdirməyə, xalqın mandatını seçkilərlə deyil, xalqın bizi dəstəklədiyini bəyan etməyə çalışacaqlar”, - deyə Makarenko bildirib. .
Şərqşünas deyib ki, baş verənlər ona Liviya ssenarisini xatırladır - qonşular Suriyadan ərazi əldə etmək istəyə bilər və ölkə daxilində münaqişələr güclənəcək.
Makarenko qeyd edib ki, "hamının hamıya qarşı" müharibəsi başlayacaq.
Qeyd edək ki, müxalifətin tanınmış simalarından biri Məhəmməd əl-Bəşir Suriyanın müvəqqəti hökumətinin başçısı təyin olunduğunu elan edib. Həmçinin silahlı müxalifətin rəhbərliyi yaraqlılara şəhərləri tərk etməyi əmr edib və onların əvəzinə polis və daxili təhlükəsizlik qüvvələri onlara daxil olacaq.
İslamçı Heyət Təhrir əl-Şam qruplaşmasının lideri Əbu Məhəmməd əl-Culani Suriyanın tükəndiyini və yeni müharibələrə qarışmayacağını bildirib.
İnci
