Rusiya vətəndaşlarından Rusiya prezidenti Vladimir Putinin "Birbaşa xətti"nə dekabrın 12-si səhər saatlarına olan müraciətlərin sayı 500 mini keçib. Bu barədə “Rossiya 1” telekanalı məlumat yayıb.
Putinlə "Birbaşa xətt" dekabrın 19-da Moskva vaxtı ilə saat 12:00-da başlayacaq.
Qeyd edilib ki, ruslar bu tədbirə böyük maraq göstərir və prezidentə fəal şəkildə suallar verirlər. Ən çox vətəndaşlar telefonla suallar ünvanlayırlar (248 min zəng), həmçinin SMS mesajları da göndərilir (111 min yığılıb).
Dekabrın 8-də moskva-putinu.ru saytı Rusiya lideri ilə birbaşa əlaqə üçün suallar qəbul etməyə başlayıb. Rusiya prezidentinin mətbuat katibi Dmitri Peskovun qeyd edib ki, rusların bütün istəklərini təmin etmək mümkün deyil. Kreml nümayəndəsi onu da qeyd edib ki, buna baxmayaraq, onlar diqqətdən kənarda qalmayacaq.
Tural
