Suriyada Əsəd rejiminin süqutu ilə Colan təpələrindən hücuma keçən İsrail həm də gözünü İrana dikib.
AZXEBER.COM xarici mediaya istinadən xəbər verir ki, bu barədə ötən gün İsrailin baş naziri Benyamin Netanyahu X sosial media platformasında İrana işğal mesajı verib.
Netanyahu ingiliscə danışarkən sözügedən videoda farsca altyazıların olduğu qeyd edilsə də, Netanyahu İranın azad ola biləcəyinə və qlobal miqyasda sülh yarada biləcəyinə ümid etdiyini bildirib.
İranın Suriyada Bəşər Əsəd hakimiyyətini dəstəkləmək üçün toz halına gəlmədən 30 milyard dollardan çox pul xərclədiyini ifadə edən Netanyahu \"Sizin zalımlarınız Qəzzada HƏMAS-ı dəstəkləmək üçün milyardlar xərcləyib. Bu gün onların rejimi xarabalığa çevrilib. Bir neçə həftə ərzində Hizbullah liderlərinin əksəriyyəti, onların raketləri və minlərlə terrorçu tüstüyə qərq oldu\" - deyə o bildirib.
Netanyahu son aylarda iranlılara ünvanladığı üçüncü videomüraciətində bu gün Yaxın Şərqdəki yeni reallığın zəncirvari reaksiyadan qaynaqlandığını bildirib və əlavə edib:
\"Nəsrullah İran rejiminin terror oxuna vurduğumuz zərbələr və bütün bunlar prezident Trampın bu həftə qeyd etdiyi kimi, İsrail və onun müharibədəki uğurları sayəsində baş verdi\".
İran liderlərinin başqa xalqları fəth etməyə və Yaxın Şərqdə fundamentalist zülm tətbiq etməyə çalışdıqlarını deyən İsrailin baş naziri İsrailin yalnız öz dövlətini müdafiə etməyə çalışdığını bildirib və əlavə edib:
\"Ancaq bununla biz sivilizasiyanı müdafiə edirik. Biz sizinlə sülh istəyirik, siz də bizimlə sülh istəyirsiniz. Amma siz sizi özünə tabe edən və bizi təhdid edən bir rejimin hakimiyyəti altında əziyyət çəkirsiniz\".
Netanyahu eyni zamanda 2022-ci ildə Məhsa Əmininin İranın əxlaq polisi tərəfindən öldürülməsindən sonra İranda kütləvi anti-hökumət etirazlarının şüarına çevrilən \"Qadınlar, həyat, azadlıq\" şüarına toxunaraq\"Bu, İranın gələcəyidir. Saçını düzgün örtmədiyi üçün həbs olundu, bu, sülhün gələcəyidir və mən bu gələcəyi birlikdə həyata keçirəcəyimizə və Yaxın Şərqi firavanlıq, tərəqqi və sülh işığına çevirəcəyimizə şübhə etmirəm”, - deyə o fikirlərini yekunlaşdırıb.
