Xudat şəhərində "Mercedes" markalı avtomobilin körpüdən aşması nəticəsində 4 nəfər xəsarət alıb.
TƏBİB-dən APA-ya verilən məlumata görə, dekabrın 14-də saat 09:00 radələrində yol-nəqliyyat hadisəsi səbəbilə xəsarət alan 1987-ci il təvəllüdlü (kişi cinsli), 2013-cü il təvəllüdlü (kişi cinsli), 1979-cu il təvəllüdlü (kişi cinsli) və 2011-ci il təvəllüdlü (kişi cinsli) şəxslər Xaçmaz Rayon Mərkəzi Xəstəxanasına hospitalizasiya olunub.
Onlara bədənin müxtəlif nahiyyələrinin çoxsaylı travmaları diaqnozu təyin edilib. Xəsarət alan şəxslər tibb müəssisəsində müalicə almaqdan imtina ediblər.
***
15.49
Xudat şəhərində yol nəqliyyat hadisəsi baş verib.
APA-nın Şimal bürosu xəbər verir ki, qəza Xudat şəhərində dəmir yolu üzərindəki körpüdə qeydə alınıb. "Mercedes" markalı avtomobil körpüdən aşıb.
DİN-in Mətbuat Xidmətinin Quba regional qrupundan bildirilib ki, hadisə zamanı 1 nəfər xəsarət alıb. Qəzaya səbəb kimi körpünün buzlu olması göstərilir.
Faktla bağlı araşdırma gedir.
