İsrail Hərbi Hava Qüvvələrinə məxsus pilotsuz uçuş aparatının (PUA) Livanın cənubunda avtomobilə raket atması nəticəsində bir nəfər həlak olub, yaralananlar var.
“İki sahil” TASS-a istinadla xəbər verir ki, bu barədə “Janoubia” xəbər portalı məlumat yayıb.
Hadisə Litani çayı üzərindəki körpünün yerləşdiyi Hərdali rayonunda baş verib.
Livan komandanlığı hadisə barədə BMT-nin Livandakı Müvəqqəti Qüvvələrinə məlumat verib və bunu noyabrın 27-də qüvvəyə minmiş atəşkəs rejiminin pozulması kimi qiymətləndirib.
