İngiltərə millisinin sabiq yarımmüdafiəçisi Dele Alli karyerasını İtaliya çempionatında davam etdirə bilər.
Fanat.Az xəbər verir ki, informasiyanı "Football Italia" yayıb.
28 yaşlı futbolçu tezliklə "Komo" klubunun düşərgəsinə qoşulacaq. Bu barədə sözügedən komandanın baş məşqçisi Sesk Fabreqas açıqlama verib: "Mən onunla bu yaxınlarda tanış oldum. Miladdan sonra bizimlə məşq edəcək. Bu, onun forma almasına kömək edəcək. Gəlin, səbr edək və görək daha sonra nə olacaq?”
Qeyd edək ki, Alli 2023-cü ilin fevralında "Beşiktaş"da icarədə olarkən ciddi zədə alıb və o vaxtdan oynamır. Onun "Everton"la müqaviləsinin müddəti ötən yayda başa çatdığı üçün hazırda azad agent statusu daşıyır.
Mirağa
