2024-cü il 13 dekabr tarixində Fairmont Baku otelində “IDDA Awards 2024” qaliblərinin mükafatlandırılma mərasimi keçirilib.
Yeni Texnologiyaların İnkişafına Dəstək İctimai Birliyindən “Poliqon”a verilən məlumata görə, Azərbaycanın innovasyalar ekosisteminin oyunçularını və perspektivli innovativ layihələri bir araya gətirən tədbirdə 11 nominasiya üzrə müvafiq yerlər elan edilib.
Eyni zamanda, tədbir Rəqəmsal İnkişaf və Nəqliyyat Nazirliyinin tabeliyində fəaliyyət göstərən İnnovasiya və Rəqəmsal İnkişaf Agentliyinin (İRİA) 2024-cü ildə əldə etdiyi nailiyyətlərin qeyd olunmasına və 2025-ci il üçün planlarının təqdim edilməsinə həsr olunub.
Yeni Texnologiyaların İnkişafına Dəstək İctimai Birliyinin təşkilatçılığı ilə keçirilən Aerokosmik Modelçilik Festivalı “İlin Texnologiya Tədbiri” naminasiyası üzrə “IDDA Awards 2024” mükafatına layiq görülüb. Fəxri kürsüdə mükafat festivalın təsisçiləri Ceyhun Xəlilov və Pərviz Ağayevə təqdim olunub.
Yeni Texnologiyaların İnkişafına Dəstək İB-nin sədri Ceyhun Xəlilov bildirib ki, son zamanlar aviamodelçilik sahəsinə göstərilən diqqət və qayğı artıq öz bəhrəsini verməkdədir: “Ölkəmiz adına müxtəlif beynəlxalq yarışlarda qazanılan nailiyyətlər buna bariz nümunədir. Çox sevindirici haldır ki, son iki ildə artıq raket və peyk modelçiliyinin inkişafı yolunda real atdımlar atılmağa başlamışdır.
Hər il keçirilən Aerokosmik Modelçilik Festivalı yerli raket və peyk mütəxəssislərinin hazırlanmasına hesablanmışdır. Festival iştirakçılarına texniki idman növü kimi aerodinamika, aerokosmik mühəndislik, elektronika və mexanika sahəsində biliklərini praktik olaraq təkmilləşdirmək üçün şərait yaradılır”.
Qeyd edək ki, “Poliqon” jurnalı Yeni Texnologiyaların İnkişafına Dəstək İB-nin təşkilatçılığı ilə keçirilən Aerokosmik Modelçilik Festivalının rəsmi media tərəfdaşıdır.
#gallery-1 {
margin: auto;
}
#gallery-1 .gallery-item {
float: left;
margin-top: 10px;
text-align: center;
width: 100%;
}
#gallery-1 img {
border: 2px solid #cfcfcf;
}
#gallery-1 .gallery-caption {
margin-left: 0;
}
/* see gallery_shortcode() in wp-includes/media.php */
