Yamalo-Nenets Muxtar Dairəsində Mərkəzi Asiya ölkələrindən birinin iki vətəndaşı saxlanılıb.
RİA Novosti xəbər verir ki , bu barədə FSB-nin Tümen vilayəti üzrə İdarəsinə məlumat verilib.
Saxlanılan şəxslərdən partlayıcı maddələr, silah hazırlamaq üçün arsenal, həmçinin müxtəlif rabitə operatorlarına məxsus 27 sim kart, üç bank kartı və üç mobil telefon, xarici görünüşünü dəyişdirmək üçün əşyalar aşkar edilib.
İstintaqın məlumatına görə, şübhəlilər avqust ayında Noyabrska tikinti sahəsində işləmək üçün gəliblər.
Həmin şəxslərdən birinə qarşı cinayət işi açılıb və onu 8 il həbs cəzası gözləyir.
“Noyabrsk Şəhər Məhkəməsi ikinci şübhəli şəxsə Rusiyadan məcburi deportasiya şəklində inzibati cəza kəsib”, – məlumatda deyilir.
Bundan əvvəl FSB əməkdaşları Rusiya Müdafiə Nazirliyinin avtomobilini partlatmağa hazırlaşarkən Ukraynaya kömək edən Donetsk sakinini saxlayıblar.
Həmçinin Nijni Novqorodda neonasist Ukrayna ideologiyasının bir qrup tərəfdarı saxlanılıb , onların arasında Kiyev rejiminə işləyən Rusiya və Almaniya vətəndaşı da var.
DOĞRU.AZ
