2024-cü ildə "Şahdağ" Turizm Kompleksində yerləşən hotellərdə 101 min turist qəbul edilib.
Fins.az xəbər verir ki, bu barədə "Şahdağ" Turizm Mərkəzinin sədri Rüstəm Nəcəfov ilin yekunlarına həsr olunmuş tədbir zamanı jurnalistlərə məlumat verib.
Onun sözlərinə görə, ötən illə müqayisədə turistlərin sayında 30 faiz artım müşahidə edilib.
“Ümumilikdə, kompleksi 280 mindən çox qonaq ziyarət edib və burada təqdim olunan xizək və digər xidmətlərdən istifadə edib.
Bundan əlavə, mərkəzdə beynəlxalq yarışların təşkili ilə bağlı müraciətlər daxil olub. Kompleksin inkişafı istiqamətində də ciddi addımlar atılır,” – deyə R.Nəcəfov vurğulayıb.
Fuad Mədətov
Fins.az
