Kral III Çarlzın kiçik qardaşı Şahzadə Endryu son illərdə əli olduğu qalmaqallardan sonra Yaxın Şərqdə yeni həyat qurmağı düşünür.
Sfera.az bildirir ki, Şahzadə pedofillikdə ittiham olunan iş adamı Ceffri Epşteyn ilə dostluğundan əlavə, Çinin xeyrinə casusluqda ittiham olunan iş adamı ilə dostluğuna görə də şübhə altına düşüb. H6 kimi tanınan casusun Şahzadə Endryu ilə arasında qeyri-adi etimad dərəcəsi olub. Casusun İngiltərənin yarı məxfi Milli Təhlükəsizlik Məhkəməsinin qərarından sonra Böyük Britaniyaya girişi qadağan edilib.
2023-cü ildə H6 ilkin qadağasına etiraz etsə də, məhkəmə qərarı qüvvədə saxlayıb. Hakimlərə iş adamının Şahzadə Endryunun təsirindən istifadə etməyə çalışdığı bildirilib.
York Hersoq ofisi milli təhlükəsizliklə bağlı məsələlərlə bağlı əlavə şərh verə bilməyəcəyini və şahzadənin iş adamı ilə bütün əlaqəni kəsdiyini bildirib.
Həyatında baş verən bütün bu hadisələrlə əlaqədar olaraq, şahzadə Fars körfəzi ölkələrindən birinə köçməyi düşünür. Onun regionla çoxdankı əlaqələri var. Kralın qardaşı ə tez-tez BƏƏ-y gedir. Qızı Şahzadə Beatrisin keçən ay Əbu-Dabiyə etdiyi işgüzar səfəri qismən onun üçün “örtük” olub.
Britaniyalı siyasətçilərdən biri jurnalistlərə:
"O, daimi olaraq oraya köçməyi düşünür. O, pul qazanmaq üçün nəsə etmək istəyir" - deyə bildirib.
Şahzadə indi tamamilə sıravi vətəndaş olduğundan, kral və onun müşavirlərinin Endryunun bank hesablarına baxılmasını tələb etməyə qanuni hüququ yoxdur.
Endryu illər ərzində müntəzəm olaraq Yaxın Şərqə, o cümlədən Bəhreynə çoxsaylı səfərlər edib və burada Kral Həməd bin İsa Əl Xəlifənin ikinci oğlu Şeyx Abdulla ilə görüşüb. Həmin 2014-cü il səfəri zamanı keçmiş beynəlxalq ticarət elçisi Radisson Diplomat Hoteldə Bəhreyn-Böyük Britaniya Biznes Forumu naharında iştirak etmişdir. Tədbirdə Şahzadə Endryu Kral Həməd və vəliəhd Salmanla görüşüb.
York hersoqu 2018-ci ilin aprelində Böyük Britaniyanın hərbi dəniz bazası və polis təlim mərkəzi açmaq üçün yenidən ölkəyə səfər edib. O, yenidən Kral Həməd, eləcə də Bəhreyn daxili işlər naziri ilə görüşüb.
Növbəti mart ayında Şahzadə Endryu Bəhreyn Kralı ilə birlikdə dəniz bazasını ziyarət etmək üçün yenidən oraya gedib və 2019-cu ilin mayında keçmiş həyat yoldaşı Sarah Fergusonu Bəhreyn Qran Prisinə aparıb.
Mənbələrin bildirdiyinə görə, hersoq 2022-ci ilin noyabrında da gizli şəkildə Bəhreynə tətilə gedib. Görünür, o, qlobal enerji böhranı fonunda Qərb və Körfəz ölkələri arasında qeyri-rəsmi vasitəçi rolunu oynamaq niyyətində olub.
Aynil
